Un set Ramdane Karim

السلام عليكم ورحمة الله وبركاته

كيفية ومقادير مشروع الجبس

كبداية جيبي القالب تاعك، اغسليه بالماء مليح وخليه ينشف باه تجنبي أي حبيبات رمل أو تراب عالقة فيه

الخطوة الثانية: ادهني القالب من الداخل معظم البنات يستعملوا الصابون السائل، في أعمال الجبس تاع الرجال نستعملوا زيت الخشب ، روحي للكانيكيري اشريه، وكي تدهني ماتكثريش خفافي

الخطوة الثالثة: أهم خطوة المقادير

أول شيء كيفاه تعرفي قداه تحتاجي تخلطي، واشي هي المواد اللي تخلطيها

ساهلة : مقدار الكمية جيبي المول تاعك( قبل الدهن) عمريه بالماء حتى لخر، مبعد فرغيه في إناء واحد بخلاف، وروحي أوزني هذاك الماء، نفترضوا أنك لقيتيه 200 غ ماء

المادة الثانية هي الجبس و الاسمنت الأبيض

الجبس ماتشريش تاع الكانكيري ماهوش مليح أشري الجبس تاع اللي يخدموا بيه الرجال جبس الأسقف، ماتشريش بالكيلو يسقاملك أشري بالشكارة أفضل.

قداه نسبة الجبس والاسمنت الأبيض لرايح ضيفيها للماء

النسبة 1 ماء : 1.5 جبس

واش معناها؟ قلنا عندنا 200 غ ماء

200X150%= 300

يعني لازمك 300 غ جبس

حنا مانستعملوش الجبس وحدو باه مايجيش الخليط هش، وفي نفس الوقت نسرعوا عملية الجفاف

وكملاحظة تقدر تستعمل الجبس وحدوا

…

واش نديروا؟ نزيدوا السيما البيضاء

النسبة 3 جبس : 1 اسمنت

بمعنى 300 غ نقسموها على 3 ، زوج كيلات جبس وكيلة سيما بيضاء

حاليا عندنا: 200غ جبس + 100غ اسمنت أبيض + 200غ ماء

الخطوة الرابعة: الخلط

تخلط الجبس والاسمنت معا بعضاهم مليح حتى التجانس

مبعد تجيب إناء تحط فيه الماء

مبعد ذرذر / ترش خليط الجبس والاسمنت فوق الماء، ماتكبوش كتلة وحدة

مبعد خلي الخليط يرتاح لمدة دقيقتين ثلاث دقائق كأقصى حد، ثم قم بالخلط الجيد خلط مليح لمدة دقيقة فقط

مبعد جيب القالب تاعك التي تكون دهنتوا بزيت الخشب ، وفرغ فيه والسلام عليكم ورحمة الله وبركاته